本港新冠肺炎疫情出現過不少幼童確診個案，令一眾新手爸媽非常擔憂。今日（17日）一名媽媽在facebook貼出尋人啟事，希望尋獲一名協助她緊急送22個月大兒子入威院的好心男，媽媽當時懷疑兒子染上新冠肺炎而暈倒，但好心男義無反顧幫忙，故好希望能親口向對方道謝，並告訴他檢測結果。
據該名媽媽在facebook的帖文指出，昨日（16日）下午22個月大的兒子突然全身發紫、抽搐、反白眼及嘔白泡，當時媽媽正在沖涼，聽到工人姐姐尖叫大喊「寶寶唔得」，媽媽衝出來大叫喚醒兒子不果，致電999又線路繁忙，故媽媽立即更換睡衣緊抱BB奪門而出送院。
下午5時許，媽媽抱子抵達沙田威爾斯親王醫院附近，聖羅撒書院對出的紅綠燈位時，媽媽在街上絕望地叫喊
有無人可以幫我？
在新冠肺炎疫情下人人自危，但一名身穿黑衫黑褲、大眼、雙眼皮、戴藍色口罩的高大男子，接過男童並跑送到威爾斯急症室內拯救
我哋素未謀面，就係你意（義）無反顧，喺Covid-19大家都人心惶惶嘅時候，將我同寶寶的生命放在你生命之上，就係你，幫我跑咗我人生中最重要同最絕望的300米……我永遠都不會忘記你的背影同你一雙眼。
在等候新冠肺炎檢測結果期間，該媽媽除了擔心兒子之外，還擔心會傳染到該位好心男，「我唔想害咗依位咁無私的好人，千其唔好中，我同寶寶承受唔起你有事，喺醫院度有好多醫護幫過我哋，接觸過我哋。」
幸好，兒子最終無事，檢測結果亦呈陰性。該媽媽希望公開尋回這位好心男，親口向對方說聲多謝。
我哋Covid-19化驗結果係陰性，好對唔住，我哋無辦法親口同你講不用掛心，好多謝好多謝你。
原文網址：https://topick.hket.com/article/2620844/%E3%80%90%E5%B0%8B%E4%BA%BA%E5%95%9F%E7%A4%BA%E3%80%91%E7%B5%95%E6%9C%9B%E5%AA%BD%E5%AA%BD%E7%B7%8A%E6%8A%B1%E7%96%91%E6%9F%93%E7%96%AB%E6%9A%88%E5%80%922%E6%AD%B2%E5%85%92%E3%80%80%E8%A1%97%E4%B8%8A%E5%8F%AB%E5%96%8A%E9%81%87%E5%A5%BD%E5%BF%83%E7%94%B7%E6%80%A5%E9%80%81%E5%A8%81%E9%99%A2%E7%9B%BC%E5%B0%8B%E4%BA%BA%E9%81%93%E8%AC%9D